I nostri vini

Cumpusizione : Imbuleghju di Grenache (25%) è di Niellucciu (75%)
Vinificazione :Sgaspera è fulime. Cova da 15 à 20 ghjorni trà 20 è 30 gradi. Allevu in fusti durante 1 annu dopu à fermentazione malolattica.
Ochju : Roba granaghja à riflessi viuletti.

Nasu : Fruttatu, frutti rossi, machjuccia
Degustazione :u rossu di u Chjosu Paoli hè un vinu putente, soppiu è d'una bella lungura. Un gustu in bocca cù tinte ammaestrate chì facenu tene a sensazione di i frutti rossi. Un vinu calurosu chì accumpagnerà e vostre carne rosse, robba è altri casgi forti.
Alcool : 13°

Cumpusizione : Imbuleghju di Grenache (75%) è di Niellucciu (25%)
Vinificazione :Direttamente sgaggiatu, à frescu. Timperatura di fermentazione trà 17 è 20 gradi. Allevu in cove inox nant'à fine strisce.
Ochju : Russicciu chjaru cù riflessi aranciati tralucienti

Nasu : Putente, vinosu, minerale, iudatu
Degustazione :u russicciu di u Chjosu Paoli hè un vinu frescu è a so finezza saperà rialzà i vostri apperitivi o e vostre carne bianche. E so note d'agrumi legere (clementina, pomelo) portanu un bellu equilibriu à stu vinu femininu. A so testura hè fluida è omu tene in bocca in impressione di fruttu. Rinfrescamentu guarantitu !
Alcool : 13°

Cumpusizione : 100 % Vermentinu
Vinificazione :Macerazione pelicularia d'à pocu pressu 12 ore, spremitura è vinificazione termo-regulata. Allevu in fusti nant'à strisce fini.
Ochju : Oru biancu lucente à riflessi verdi

Nasu : Riccu è cunfittu, frutti gialli
Degustazione :U vinu Biancu di u Chjosu Paoli puderà accumpagnà i vostri pesci, frutti di mare è aligostie. In bocca u vinu pare dolce eppoi una acidità vene pianu pianu pè rinfrescà. Pussede tutte e qualità chì facenu un vinu biancu di prima trinca.
Alcool : 13°

Cumpusizione : 100 % Muscatu Petits Grains
Vinificazione : Vendemiate à a manu durant a fine di u mese di settembre e gaspe sò impassite à l'antica (seccate nant'à e terrazze di a casa familiale). Dopu à una macerazione pelicularia d'una settimana, a fermentazione termo-regulata cuntinueghja durante una decina di ghjorni eppò, pè compie, s'aghjusta un pocu di alcool. Una messa in e botte nove (quercu) svilupperà l'aromi tipichi di stu muscatu di u Capicorsu.
Ochju : Bellu culore giallu oru

Nasu : Putente nant'à a baracucca secca. Note di mele. Tuttu in suttilità.
Degustazione :Bocca ontuosa, piena è dilicata. Un vinu dolce è aromi fini nant'à note di baracucche cunfitte è di mele facenu d'ellu un vinu di prima trinca à l'apperitivu. Cù un fegatu grassu, a so bella intensità è a so ontuosità facenu un matrimoniu deliziosu. Da pruvà !
Alcool : 16°

Cumpusizione : 100 % Vermentinu
Vinificazione : Vinu tradiziunale di u Capicorsu. L'impassitu hè un vinu liquorosu chì dumanda tantu sapè fà chè pazienza pè a so fabricazione : e gaspe sò colte è stese à a manu pè seccalle à u sole durante una quindecina di ghjorni nant'à e terrazze di a casa familiale. Spremute eppò vinificate e gaspe deranu un nettaru chì sterà 10 anni in fusti di querci pieni à i trè quarti pè ussidà si naturalmente.
Ochju : Bellu culore ambratu d'una intensità rara

Nasu : Noci, fighi, frutti cunfitti
Degustazione : L'impassitu hè un vinu liquorosu è i so sapori sò à l'altura di u tempu passatu in e botte : noci, fighi, ranciu... Una leggera amarezza in fine di bocca suprenderà un palaticu cunnoscitore. Un nettaru pruduttu in piccula quantità (500 buttiglie à l'annu) appreziatu da l'amatori di vini attipichi. In apperitivu, cù fegatu grassu o puru cù un dulciume à a cicculata, una campa !
Alcool : 15°

Cumpusizione : Grenache, Niellucciu, Aleaticu
Vinificazione :E so gaspe, cum'è quelle di l'Impassitu, sò seccate nant'à e terrazze di a casa familiale à i primi d'uttobbre. Hè elaburatu in tinazzi tradiziunali (bacili aperti in legnu). Dopu à una uccidazione è una macerazione di 3 ghjorni à pocu pressu, si mette in botte pè 10 anni.
Ochju : Un rossu prufondu culore di mela grana

Nasu : Muscu di caraffone d'acqua vita
Degustazione :Pruduttu tipicu di Morsiglia, u Rappu era fattu da i frati di u cunventu à u 15esimu seculu. Hè un vinu dolce naturale rossu. In bocca, l'aromi ricchi di frutti neri macerati, di bonbuccone seccu è d'acqua vita sò una scuperta pè i nuvici è una riscuperta pè l'iniziati. Da serve frescu à l'apperitivu o in fine di ripastu cun un ghjacciu à a vaniglia.
Alcool : 15°